12.11.2025 ж.
«ОБМӨШҒЗИ» ЖШС-нің түйе шаруашылығы бөлімі ғылыми қызметкерлері Қазақ Ұлттық аграрлық зерттеу университетінің ғалымдары ұйымдастырған «Дромедар және бактриан түйелерінің репродукциясы» тақырыбындағы семинарға қатысты.
Іс-шара Түркістан облысы, Отырар ауданы, Шәуілдір ауылында, аудандық мәдениет үйінде өтті.
Семинарға сондай-ақ аудандық кәсіпкерлер палатасының басшылары, ауыл шаруашылығы және ветеринария бөлімдерінің өкілдері, сондай-ақ ауыл шаруашылығы кәсіпорындарының жетекшілері қатысты.
Кездесу барысында дромедар және бактриан түйелерінің репродуктивтік көрсеткіштерін жақсарту, түйе шаруашылығына инновациялық технологияларды енгізу және жоғары оқу орындары мен өндірістік шаруашылықтар арасындағы ғылыми-тәжірибелік ынтымақтастықты нығайту мәселелері талқыланды.
Осындай іс-шараларға қатысу тәжірибе алмасуға, кәсіби байланыстарды дамытуға және Қазақстандағы түйе шаруашылығына заманауи әдістерді енгізуге ықпал етеді.
