ҚОСҚАРАЕВА ШАРБАН САПАРҚЫЗЫ
1987 жылы Ресей Федерациясы, Псков облысы, Великие Луки қаласындағы «Ауыл шаруашылығы институтының «Өсімдіктерді қорғау» факультетіне түсіп, 1992 жылы «Ғалым-агроном» біліктілігін алды.
Еңбек жолын 1992 жылы Псков облысы, Новосокольники ауданында Суворов атындағы совхозда агроном болып бастады.
1992 жылы Ресей Федерациясы Мәскеу қаласындағы Бүкілресейлік көкөніс шаруашылығы ғылыми-зерттеу институтының аспирантурасына түсіп, 1996 жылы кандидаттық диссертациясын қорғады.
Ауыл шаруашылығы ғылымдарының кандидаты (Мәскеу қаласы, 1996 жыл).
1997 жылы Қазақ өсімдіктерді қорғау ғылыми-зерттеу институтында аға ғылыми қызметкер болып бастап, 1998-2001 жылдары институттың Ғылыми хатшысы қызметін атқарды.
2001-2002 жылдары Ұлттық академиялық аграрлық зерттеулер орталығында Ғылыми хатшы – кеңесші қызметін атқарды.
Еңбек жолының 20 жылдан астам уақытын Қазақстан Республикасы Ауыл шаруашылығы министрлігінің орталық аппаратының Ғылым департаментінде бас маман, бас сарапшы, бөлім бастығы, басқарма басшысы, департамент директорының орынбасары лауазымдарында мемлекеттік қызмет атқарды.
5 жылдан астам Технологиялық дамыту жөніндегі Ұлттық агенттігінде бас сарапшы, Ұлттық биотехнология орталығында Ғылым департаменті директоры, сосын Жоғары оқу орнынан кейінгі білім департаментінің директоры лау-
азымдарында қызмет атқарды.
Марапаттары:
Қазақстан Республикасының Ауыл шаруашылығы министрінің Құрмет грамотасы, «Астанаға 10 жыл», «Қазақстан Республикасының Тәуелсіздігіне 20 жыл», «Қазақстан Республикасының конституциясына 25 жыл», «Қазақстан Республикасының Тәуелсіздігіне 30 жыл» медальдармен марапатталған.
2023 жылдың 14 шілдесінен бастап «Оңтүстік-Батыс мал және өсімдік ша-
руашылығы ғылыми-зерттеу институты” ЖШС-нің Басқарма төрайымы қызметін атқаруда.